Góðan dag kæru lesendur J

Ég er í rosalega basli með internetið hérna hjá okkur, næ ekki borðtölvunni í gang og þráðlausa netið í fartölvunni dettur reglulega út mér til mikillar armæðu !  Ég er að vonast til að koma hinni internettenginunni í gang fljótlega.  Hér í landi ganga hlutirnir ögn hægar en heima svo ég verð að sýna þolinmæðiJ  Myndirnar okkar koma heldur ekki á netið strax vegna þessara netvandræða en ég set slóð á myndasíðuna hér til hliðar við tækifæri svo það sé hægt að stökkva inn á hana.

Við erum búin að vera big spenders síðustu daga.  Við höfum keypt nánast allt sem hefur vantað í íbúðina.  Ísskápurinn og þvottavélin sem við pöntuðum koma reyndar ekki fyrr en á morgun.  Við verðum að kaupa okkur nýtt rúm því 1.40 er klárlega ekki nógu breitt fyrir okkur, við erum í því að vekja hvort annað alla nóttina L

Fyrir utan allt verslunaræðið sem við höfum verið í (og hefur tekið laaaaaaaangan tíma) þá áttum við alveg geggjað skemmtilegan dag í gær.  Við fórum á akstursæfingabrautina hjá Sverre !!!!!!    og vitið þið hvað.....  ég fékk líka að keyra!!  Kræst hvað þetta var gaman!  Við vöknuðum klukkan 5 (3 á íslenskum tíma) í gær og hittum Sverre fyrir utan Artic Trucks klukkan 6.  Við keyrðum svo í rúma 2 klukkutíma til að ná í einn akstursbíl og hálftíma í viðbót til að komast að sjálfri brautinni (enginn smá skaðræðis akstur en hér í landi þykir þetta ekkert tiltökumál).  Brautin er í dag tæpir 2 km en það eru fyrirhugaðar breytingar á henni á næstunni svo hún verður rúmir 4 km þegar þær eru búnar, það er hægt að sjá brautina hér  http://www.rudskogen.no 

Sverre mætti á svæðið með 6 æfingabíla.  Hann sendi okkur Eyjó til að galla okkur upp, og fá hjálma og hanska.  Sverre var með hóp af fólki sem hann var að þjálfa.  Fyrst var hann með fyrirlestur fyrir þetta fólk um akstur á vegum (á norsku) sem við Eyjó skildum svona inn á milliJ.... svo var farið út á brautina og við fengum leyfi til að stökkva inn í bíl inn á milli..  Eyjó keyrði reyndar mun meira en ég (enda var það bara bónus að ég fengi að kom með) en svo kom að því að ég fékk að keyra......    Eyjó kom með mér í bílinn þar sem ég hef náttúrlega ALDREI farið yfir leyfilegan hámarkshraða á ævinni !!!   En viti menn, þegar ég var í mínum 6 hring eða eitthvað þá tók Eyjó tímann á mér og mín keyrði brautina á 1.21 min.  Eyjó keyrði brautina á 1.14 sem sami tími og Ole tók (kennari og keppnismaður) og NB Ole var á kraftmeiri bíl hehehehe.  Þetta var alveg geðveikt gaman!!!  Á langa beina kaflanum fór ég upp í 150 ef ekki meira !!!!  Sverre var svo ánægður með mig að hann ætlar að setja mig á kraftmeiri bíl næst J J

En nú ætlum við Eyjó að skella okkur í enn einn verslunarleiðangurinn og ég ætla að athuga með vinnu á geðdeildinni á Lier sjúkrahúsinu.  Krossleggið fingur fyrir mig og vonið að ég fái vinnuJ

Bestu kveðjur

Hanna Steinunn

Um íbúðina:

Heimilsfangið okkar er Furuveien 2, 3300 Hokksund, Norge.  Við erum í tæplega klukkutíma fjarlægð frá Osló (með lest eða bíl) en bara 10 min fjarlægð frá Drammen (mjög stór bær).  Íbúðin er með tveimur svefnherbergjum, sæmilega stóru eldhúsi (þó hvorki eldavél né ísskápur því slíkt telst ekki til siðs í Noregi í leiguíbúðum) og ágætis stofu.  Parket á öllu nema ganginum sem er með svörtum flísum.

Sunnudagurinn:

Í dag fórum við í heimsókn til Sverre og Irene.  Sverre er rallökumaður sem Eyjó kynntist á Íslandi.  Sverre hringdi í okkur um 14 og við ákváðum að hitta hann hjá Artic Trucks.  Við keyrðum svo á eftir honum heim til hans í Svelvik.  Hann sagðist þurfa að sækja stelpuna sína og hvort okkur væri á móti skapi að hinkra eftir honum heima hjá honum á meðan hann væri í burtu, konan hans væri í Osló svo við værum ein heima.  Við sögðum bara já ekkert mál og svo skaust hann.... spá í trausti sem gæinn sýndi okkur. 

            Sverre kom aftur 15 min seinna og byrjaði að elda, spurði hvort við myndum ekki örugglega vilja kvöldmatJ  Við þáðum það og stuttu seinna borðuðum við dýrindis elg sem hann hafði sjálfur veitt.  Fyrsta skipti á ævinni sem við borðuðum elg og okkur líkaði það mjög vel !! við eigum pottþétt eftir að gera það aftur!!

            Eftir matinn kom Irene heim og fór að tla um vinnu við mig, hún snaraði sér í að hringja í vinkonu sína og tékkaði á vinnu á Lier sykehuset sem er með rosalega stóra geðdeild !!!  Irene talaði við mig á norsku og ég svarði á norsku og stóð mig bara nokk vel, hún var meira að segja svo sæt að segja að norskan mín væri mjög fín :D  Vinkonan ætlar að vera í sambandi við Irene á morgun og láta hana vita um vinnustatusinn !  Allt að gerast og það á degi númer 2.

            Þvínæst fórum við út í skúr að skoða rallýbílinn hans Sverre og maður lifandi hvað hann var flottur!!!!  Alvöru græja !!!!  Sverre bauð síðan Eyjólfi að koma með sér næsta eða þarnæsta miðvikudag á æfingarbraut sem Eyjólfur að sjálfsögðu þáði svo hann virðist vera byrjaður í rallý-æfingumJ  Svo að so far so good J

Á morgun verður leiðangur í verslanir þar sem við munum kaupa þvottavél og ísskáp og mögulega einhver húsgögn inn í pleisið.... ég ætla að reyna að kaupa svefnsófa fyrir gestaherbergið svo að við getum boðið ferðalöngum þak yfir höfuðið og ef við eigum einhvern afgang þá munum við kaupa sófa J

Vá það er ekki lítið sem ég get skrifað hérna inn á þessum fyrstu dögum en nú ætla ég að láta þetta duga og skrifa meira síðar

Bestu kveðjur

Hanna Steinunn

Fyrsta færslan á nýju bloggi... svolítið löng, en ég reyndi að stikla á stóruJ

Við lögðum af stað frá Grafarvogi klukkan 12 þann 9 október.  Við keyrðum í átta tíma á Vattarnes og gistum hjá Baldri og Nóru.  Fengum dúndur móttökur þar.  Nóra var tilbúin með þetta geggjaða Lasagna fyrir okkur.  Sváfum þar eins og ungabörn, fengum svo saltfisk í hádeginu og héldum svo ferðinni áfram til Seyðisfjarðar klukkan 13:30.  Það kom sér rosalega vel að Eyjó hafi sett Subaruinn á nagla því það var hellings snjór á heiðunum !!!  Þessi partur af ferðinni var svolítið stressandi því við urðum næstum bensínlaus !!  Vorum ekki viss um að við myndum ná niður af heiðinni... það sem meira er þá hittum tvo mótorhjólagæja (já þeir voru á mótorhjólum yfir snævi þakta heiði á sumardekkjum) svo við gátum ekki annað en flygt þeim eftir því þeir voru eins og beljur á svelli.  Ég hringdi í Smyril-line til að láta vita af mótorhjólagæjunum og að við myndum vera aðeins seinna en 3 tímum fyrir brottför í skipið en þá komst ég að því að skipið átti að leggja úr höfn klukkan 17 en ekki 18 eins og ég hafði haldið... úff.. þá varð stress.. en okkur tókst öllum að komast í skipið (okkur og þýsku mótorhjólagæjunum) svo það var tóm hamingja !!

Fengum fínt herbergi, kojur og tv.. ekki slæmt en við fengum rosalega vont veður og báturinn barði í sjóinn hægri vinstri, sluppum sem betur við að vera sjóveik !!!  Það er nákvæmlega ekkert hægt að gera í Norrænu, annað en að sofa svo þeir sem ætla að skella sér með þessu skipi, ég mæli með bókum, tölvuleikjum og öðru dóti í farangurinn J

Daginn eftir stoppuðum við í Færeyjum en við komumst ekki í land klukkan 14 vegna veðurs (20 metrar á sek), í staðin silgdum við í kringjum Færeyjar í fimm klukkutíma!!!  Þegar við loksins komumst í land röltum við um í klukkutíma, skoðuðum pínu, fórum á kaffihús og fengum okkur að borða og fórum svo aftur í bátinn svo við myndum örugglega ekki missa afþví að komast til Noregs. 

Veðrið var allt annað frá Færeyjum til Noregs.  Við skelltum okkur í bíó í Norrænu (Die Hard 4) og fórum svo að sofa.  Ákváðum að við myndum ætla að sofa eins lengi og mögulegt væri til að eyða sem mestum tíma af skipsferðinni.  Viðnáðum að sofa til 13 og báturinn kom að landi klukkan 18svo það var ekki löng bið þarna á milli (bara fimm tímar).

Lentum í Bergen klukkan 18 að staðartíma.  Keyrðum af stað til Geiló en við ætlum að gista þar.  Við þurftum að taka eina ferju til að komast að áfangastað og keyrðum í stuttu máli sagt í gegnum böns af göngum.  Við gátum ekki keyrt mjög hratt frá Bergen til Geilo (meðalhraði um 50).  Við gistum á ferlega fínu skíðahóteli og borðuðum morgunmat við arineld daginn eftirJ svakalega kósý. 

Ferðin frá Geilo til Furuveien gekk mun hraðar þar sem meðalhraðinn var um 90.  Við komum klukkan 12 hér á Furuveien sem við búum.  Örn og Katrín (liðið sem á íbúðina) tók á móti okkur og sýndi okkur herlegheitin.  Við búum semsagt í 55m²  íbúð sem er nýuppgerð af Erni og Katrínu. 

Við byrjuðum að henda inn úr bílnum og koma okkur fyrir.  Örn og Katrín (og krakkarnir Birgir (12 ára) og Svava (6 ára)) buðu okkur í kaffi og fóru svo með okkur í leiðangur til að sýna okkur matvöruverslun og símabúð og fleira.  Við enduðum svo í barnaafmæli stuttu seinna.  Eftir afmælið fórum við að skoða Artic Trucks fyrirtækið þar sem Eyjó mun vinna allavega fyrst um sinn. 

Við vorum orðin frekar þreytt þegar við komum heim klukkan 19:00 og nenntum ekki einu sinni að elda matinn sem við höfðum keypt.  Netið er í einhverju tómu hakki hjá mér, get ekki tengst þráðalusa netinu svo ég reyndi að fixa það í gær þar til Örn og Katrín bönkuðu uppá og buðu okkur í bjór úti á verönd við arineldinn.  Við þáðum það og sátum í tjilli með kaldann í annarri, doritos snakk í hinni í dúnúlpum í skítakulda með ylinn af kamínunni.

Í dag verður ennþá meira stúss á okkur því við erum að fara að hitta Sverre sem er akstursíþróttagaur sem Eyjólfur kynntist. 

Ég ætla að hafa styttra á milli þess sem ég skrifa á þessa síðu svo færslurnar verði ekki svona svakalega langar!!!  Ekki alveg að gera sig..

Þar til næst,

Kveðja frá Noregi

Hanna Steinunn og Eyjó