noregur.bloggar.is

MA�

Sun, 03 May 2009 14:26:45 +0000

vá hvað tíminn líður hratt!! MAÍ... bara rúmur mánuður eftir af þessari önn... úff úff

Það hefur verið frekar mikið að gera síðastliðinn mánuð sem skýrir ástæðu þess að flatkökubaksturinn hékk svona lengi sem síðasta blogg! (sem var frá 14 mars....)

En svona í stuttu máli... síðan í mars er ég náttúrlega búin að afkasta heilum helling í skólanum (sem er svo sem ekkert sérstaklega frásögu færandi)...

pabbi átti afmæli 13 apríl en hann varð 60 ára þetta árið!!! og ég skellti mér í afmælið hans það var þrælskemmtilegt og rosalega gott að vera aðeins í faðmi fjölskyldunnar og hitta vinkonurnar! Verst hvað ég hafði ótrúlega lítinn tíma, náði þar af leiðandi ekki að hitta Astrogengið né háskólapíurnar!!

Önnur afmælisbörn aprílmánaðar sem fá hamingjuóskir frá mér eru Brynja, Eva Ósk, Hildur, Óli Páll og að sjálfsögðu eiginmaður minn hann Eyjólfur sem varð hvorki meira né minna en 30 ára! Eyjólfur hélt upp á afmælið með því að bjóða gengi úr vinnunni í mat og eldaði hvorki meira né minna en Wellington nautasteik handa 17 manns og bakaðar kartöflur, salat og sósu með!!! Geri aðrir betur!!!

Eftir afmælið tók við meiri skóli hér í Noregi... EN... svo fórum við íslendingarnir á NAFO ráðstefnu á Storefjell. Þetta var semsagt samansafn af áhugamönnum um atferlisgreiningu sem hittust og sátu á fyrirlestrum hjá hvorum öðrum, djömmuðu saman, borðuðu (mikið) af góðum mat og djömmuðu meira (frá fimmtudegi fram til sunnudags)... hvorki meira né minna en 900 manns sem mættu (mig minnar að það séu um 30 skráðir félagar í SATÍS (áhugamenn um atferlisgreiningu á Íslandi)!! Þetta var alveg þrælskemmtilegt!!

Svo er náttúrulega ABAI ráðstefna í Osló í ágúst sem ég ætla að fara á... en það eru seinni tíma fréttir hehe

Eftir NAFO fór ég á prufuvakt í nýrri vinnu... hver vakt er tveir og hálfur sólarhringur svo þetta var alveg ótrúlega frábrugðið öllu vaktaskipulagi sem ég hef prófað! í staðin eru bara 4 vaktir í mánuði fyrir 100% vinnu Vinnan var ágæt... þetta er ekkert staðurinn þar sem ég mun sigra heiminn, en ágætis stoppistöð svona með náminu! Þetta er semsagt heimili fyrir þrjá einstaklinga sem eru einhverfir...

Svo er bara meiri skóli! í síðustu viku komu tveir hundar í skólann hjá okkur og við fengum að spreyta okkur á svona "clicker training." Það var þrælskemmtilegt! Aldrei að vita nem ég hendi inn einhverjum myndum af því við tækifæri.... Í næstu viku erum við svo að fara að skoða "rottu-lab".... ég ætla sko að taka myndavélina mín með og taka myndir af því líka... set kannski allar myndirnar inn á sama tíma hehe

Svo var ég að vinna á sjúkrahúsinu þessa helgi... það hefur því heldur betur ekki verið tækifæri til að láta sér neitt leiðast hér á bæ!!

Jæja, ætla ekki að hafa þetta neitt of langt... enda nennir enginn að lesa langa pistla hehe

Bestu kveðjur til ykkar allra
Hanna Steinunn

engin fyrirs�gn

Sat, 14 Mar 2009 08:40:34 +0000

Vá, ég held að ég sé gersamlega búin að setja met í blogg leti hehe

Það er nú kannski bara út af því að það er ósköp lítið að frétta, það er bara nóg að gera í skólanum og ég eyði alveg hrikalega miklum tíma fyrir framan bækurnar!! En þar sem mér finnst námið þrælskemmtilegt þá er það í góðu lagi !!

Ég er alltaf með hugann við að skipta um vinnu, fór þar af leiðandi í eitt atvinnuviðtal á þriðjudaginn var og svo í annað atvinnuviðtal á þriðjudaginn kemur svo það verður bara spennandi að sjá hvað kemur út úr þeim! Ég segi betur frá þessu öllu þegar ég veit eitthvað meira :D

Ég hef ekkert farið á skíði þennan veturinn !!! Eins og við vorum hrikalega dugleg í fyrra!! þetta er nánast skammarlegt, og það hefur heldur betur verið nóg af snjó hérna! En einhverra hluta vegna hefur tíminn bara farið í eitthvað annað...

síðustu helgi fórum við Eyjó, Maggi, Jóhann, Hilmar Freyr og Halldóra Líf á bílasýningu í Lillestrøm (fyrir bílaáhugafólk sjá hér http://www.gatebil.no/index.php?id=2486&pageid=116&page=1 ) sýningin var ágæt.. verð þó að segja að mér fannst sýningin í fyrra áhugaverðari. Þarna var bókstaflega heilt fjall af allskonar bílum og mótorhjólum og dóti svo það var ekki leiðinlegt. Þarna voru líka sýndir bílar sem hafa verið smíðaðir fyrir norska herinn og viti menn.... Eyjó hafði smíðað einn sjúkrabílinn þarna (ásamt fleiri starfsmönnum AT að sjálfsögðu )... gaman að því !!

Haldiði svo að daman hafi ekki bara skellt sér í flatkökubakstur um daginn !!! Eftir þorrablótið þá langaði mig alveg rosalega mikið í flatkökur, svo ég fletti upp í Helgubók (matreiðslu-biblíunni minni) og fann uppskrift af flatkökum... hin upprunalega uppskrift er heldur betur auðveld, hálft kíló af rúgmjöli og einn fjórði lítri heitt vatn!!!! já ég veit, fáránlega einfalt !!! Ég skellti mér nú í flóknari gerðina sem samanstóð af hveiti, heilhveiti, rúgmjöli, salti, lyftiduft og mjólk !! þessi flókna var semsagt líka einföld !! Svo hnoðaði ég saman degið, bjó svo til litlar kökur smellti mér í lopapeysuna stökk út og bakaði herlegheitin á gasgrillinu geggjað gaman hjá mér, og viti menn, þær voru sko bara þrælfínar!!!

Annars finnst mér tíminn líða alveg óheyrilega hratt hérna, nú þarf ég að fara að finna mér verkefni fyrir mastersritgerðina mína og ég snýst bókstaflega í hringi, skipti allt of oft um skoðun og veit ekkert hvað ég á að taka mér fyrir hendur þar sem það eru mörg spennandi verkefni í boði !!! Í draumaplaninu mínu þá væri ég sko alveg til í að byrja á verkefninu í sumar og eiga þar af leiðandi nógan tíma eftir jól á næst ári til að dúllast í þessu, en það er nú bara svona draumaplanið híhí

Þar til næst,
Hanna Steinunn

loksins loksins

Wed, 25 Feb 2009 14:05:52 +0000

Ný bloggfærsla... heldur betur verið löt við að skrifa...

Ég er semsagt byrjuð á fullu í skólanum aftur og það er rosa gaman! Mætti segja að við íslensku stúlkurnar í Noregi séum heldur betur að drukkna í lesefni en maður reynir bara eins og vel og maður getur og sjáum hvort það dugi ekki til :)

Ég er alltaf að vinna með skólanum, gerðist svo gróf á rapporti um daginn að dissa meðferðarformið þeirra (eða skortinn á meðferðarformi að mínu mati), og stinga upp á betrumbótum... við heldur betur lélegar undirtektir!!! Það er frekar erfitt að ætla að útskýra það allt saman hér, en ég ætla ekki að gefast upp við að reyna að víkka sjóndeildarhring hins frekar þröngsýna norðmanns í vinnunni. Ég er reyndar búin að læra alveg svakalega mikið á því að rökræða þessi meðferðarform sem eru viðhöfð hérna og er alltaf að verða flinkari að rökstyðja málstað minn :D

Mamma kom í heimsókn um daginn :D takk fyrir okkur mamma !! Það var þrælfínt að fá hana í heimsókn verð ég að segja!!

Á afmælisdaginn minn fórum við í afmæli til hans Hilmars Freys sonar Hildar og Jóhanns :) Gutti varð 2 ára þann 11. febrúar svo það var kökuboð hjá þeim :D ekki leiðinlegt það !!! við hjónin höfðum það svo bara ofurkósý um kvöldið og nutum þess að vera til :D

Við Eyjó fórum á Þorrablót síðustu helgi og það var þrælfínt... mín skellti sér á hákarlinn og brennivínið og fór létt með (fékk síðan að vita að þessi hákarl var ekki bragðsterkur hehe).. en vá hvað það var gaman að fá íslenska þorramatinn hér í Noregi... ég var líka búin að steingleyma því hvað flatkökur, harðfiskur og rúgbrauð er fáránlega gott svo ekki sé minnst á sviðakjammana mmmm !!!

Svo skelltum við Laura okkur í bíó á slumdog millionaire (eða hvað hún heitir) á mánudaginn! Myndin kom heldur betur skemmtilega á óvart og ég mæli með því að skella sér á hana!!

Annars gengur lífið bara sinn vangang hér í Drammen. Það er ennþá alveg ógeðslega mikill snjór hérna. Eyjó fór síðustu helgi og mokaði snjóinn af bílskúrsþakinu svo þakið myndi ekki hrynja (flatt þak). Hann og strákurinn á efri hæðinni voru í einhverja fimm klukkutíma að koma þessu snjó frá... enda ekki snjóað jafn mikið hér í Drammen síðan 1938 (segir Anna nágranni allavega). Annars er farið að hlýna svo þetta er allt á uppleið :)

Ú, ég gleymi að segja, ég er búin að kaupa flugmiða heim í apríl. Pabbi er 60 ára þann 13 apríl svo ég ætla að koma heim og vera með í afmælinu!!! ekki annað hægt !! Ég verð heima frá 10-14 apríl, ég hlakka rosa mikið til :D

Jæja, best að halda áfram að læra!!!
Þar til næst...

�vint�ri � osl�

Wed, 28 Jan 2009 16:35:39 +0000

Nú styttist óðum í að byrji aftur í skólanum... og nú er eins gott að koma sér það að lesa blessuðu bækurnar !!
Í tilefni þess að ég er búin að vera svo dugleg að vinna (og sofa hehe), ákvað ég að skjótast til Oslóar í dag og hitta hana Lauru sem var með mér í tímum þar. Það fer svo sem ekki miklum sögum af þeim hittingi enda bara típískt stelpuspjall um allt og ekkert. Eftir að við höfðum rabbað í dágóða stund, settist ég niður í einn lessalinn og lærði smá, eða þar til Gunn kom og náði í mig fyrir túristadag Gunn og Hönnu Steinunnar í Osló :) Við byrjuðum á því að smella okkur í norsku óperuna (þ.e.a.s. skoðuðum húsið) því það er það heitasta hjá ferðamönnum í dag. Við ákváðum að í sumar myndum við taka stelpukvöld í fínum kjólum og henda okkur á óperusýningu...)...

þvínæst smelltum stefndum við á kókosbolluverksmiðju, sem var reyndar flutt á annan stað.. en sem betur fer var kókosbollu-verslun (heil sjoppa sem sérhæfir sig í kókosbollum!!). Ég sá á matseðlinum að það var hægt að kaupa svona pakka af kókosbollum, einhver 36 stykki eða eitthvað álíka og hugsaði "ætli það sé einhver sem kaupi svo mikið í einu" en svo kom í ljós að daman sem var á eftir okkur í röðinni fjárfesti í slíkum gæða-pakka :) Sjálf búllan var nú ekki lítið kósý, stólarnir allir í alls kyns litum og minntu helst á sviðsmynd í Grease :) því miður gleymdi ég myndavélinni, en ef ég fer aftur, þá tek ég sko heldur betur myndir !!!

Eftir þessa dásemdar kókosbolllu-máltíð smelltum við okkur að "syngjandi rúllustiganum." Jebb, það er semsagt á einum stað í Osló syngjandi rúllustigi!! Veggirnir utan um rúllustigann eru úr plexigleir eins og sjá má á myndinn og breyta um liti í takt við einhverja tónlist !!! það sem fólki dettur í hug :)

Eftir að hafa upplifað hinn syngjandi rúllustiga skelltum við okkur ásamt Katja og Katrine á ódýran Indverskan veitingastað við Majorstuen. Eftir alveg hreint prýðileg máltíð smelltum við okkur svo á spurningakeppni sem er haldin hvern einasta þriðjudag. Ég verð að viðurkenna að ég sökka í svona spurningakeppnum, sérstaklega þar sem spurningarnar eru rosalega "norsku" miðaðar, t.d. norsk tónlist, um skíðasambandið í noregi, skíðaíþróttir og norskar bíómyndir.... !!!! þar fyrir utan þá skildi ég ekki einu sinni stöku spurningu :D Ég yfirgaf svo svæðið áður en úrslitin voru tilkynnt þar sem ég var á því að ég ætti að mæta klukkan 7 í morgun í vinnuna (sem var svo rangt, eitthvað skolast til í skipulaginu mínu), en liðið okkar lenti í fimmta sæti (af svona 12 liðum) svo það var ekki slæmur árangur! :)

Næstu dagar verða heldur tilbreytingasnauðir, þ.e.a.s. lesa og lesa og vinna smá...

Eyjó fer í ísakstur um helgina í Dagali og það verður líkast til rosa gaman, og á meðan fæ ég svaka mikið næði til að lesa (eða vera á facebook, eða mbl eða eitthvað haha). ég geri ráð fyrir að eyjó bloggi um ferðina á sinni síðu eftir helgina :)

Þar til næst,
Kveðja
Hanna Steinunn

J�

Sat, 24 Jan 2009 13:50:49 +0000

Góðan daginn !!

Nú er ég komin til Noregs á ný (reyndar tæp vika síðan) en þrátt fyrir mikla heimþrá í fyrstu er þetta bara að verða ágætt Hér bókstaflega kyngir niður snjó og við Eyjó förum og mokum reglulega snjó frá bílskúrnum og göngustígnum að húsinu á milli þess sem Anna (nágrannakona okkar) mokar!!! T.d. er hún Anna búin að taka eina og hálfa umferð í dag (við tókum hálfa) og klukkan rétt að detta í 15:00 !!!

Annars er ég búin að skrá mig á dágóðan slatta af vöktum fram að fyrstu skólatörn og finnst það eiginlega bara ágætt!! Það er búið að vera mökk erfitt að koma sér í gang eftir svona langt jólafrí... en þetta er allt að koma

En þar sem ég ætlaði bara að hafa þetta svona stutta og krúttlega færslu hér í fyrstu lýkur þessari bloggfærslu hér með.

Bestu kveðjur til allra og takk fyrir allt og allt síðastliðinn mánuð :)

Kær kveðja
Hanna Steinunn

heim

Sat, 20 Dec 2008 18:53:09 +0000

Jæja, loksins búin í prófum !!!! og heldur betur búin að vera í þéttskipaðri dagskrá síðan ég kom út úr seinasta prófinu, kaffihús með krökkunum í skólanum, próflokadjamm/jólahlaðborð með vinnukrökkunum og var að koma heim úr Gautaborgarferð með Eyjólfi :) jebb, við fórum í jólaþorpið í Liseberg og það var þrælfínt:)

Nú komum við hjúin heim á morgun !!! jeij.... svo það verður líkast til eitthvað lítið um blogg á næstunni... svo ég óska öllum gleðilegra jóla og farsældar á nýju ári !! Megi næsta ár vera gæfuríkt og gefandi (ekkert smá djúpt)!

Bestu kveðjur
Hanna Steinunn

geggju� grein

Sun, 14 Dec 2008 08:42:17 +0000

Hæ

Mig langaði bara að benda ykkur á þessa grein sem breskur rithöfundum gerði um Ísland... hann fer vægast sagt afskaplega fögrum orðum um okkur íslendinga... kannski sumt svolítið ótrúlegt hehehe en hún var þræl skemmtileg. Mæli með lestri á þessari grein !!

http://business.timesonline.co.uk/tol/business/economics/article5329762.ece

já ég veit.. fyrsta próf á morgun... ég bara varð að taka smá pásu híhí

hei :)

Tue, 09 Dec 2008 09:51:22 +0000

Eftir 6 daga fer ég í fyrsta prófið
Eftir 8 daga er á hálfnuð
Eftir 10 daga fer ég í síðasta prófið, fer í partýgleði með bekkjarfélögum eftir prófið og jólapartý vinnukrakkanna um kvöldið
Eftir 11 daga fer ég kannski í bíltúr til Gautaborgar með Eyjólfi í jólastemmningu þar
Eftir 12 daga kem ég heim til ástækar Íslands :)

Jebb, ég er semsagt í próflestri. Það er þegar maður er í próflestri sem maður fer að telja daga eitthvað óeðlilega mikið, heimilisstörfin segja líka mikið til sín ásamt mikilli internet þörf... sumir myndu segja að þetta héti að sluksa, en ég neita því :) Ég var reyndar að vinna um helgina sem var kærkomin tilbreyting frá bókunum !!! ég tók eftir því þegar ég mætti á föstudaginn hvað það var gott að fá smá tilbreytingu í lífið :)

Svo eru alveg að koma jól.... :) :)
Norðmenn missa sig nú ekki jafn mikið í jólaskrauti og jólagleði eins og íslendingar. Ég er bara búin að heyra eitt jólalag í útvarpinu það sem af er þessum mánuði, og norðmenn skreyta sko engan veginn jafn mikið og íslendingar gera !!!!! það er alveg á tæru!! þannig að ég er eiginlega ekki komin í neitt jólaskap þannig lagað séð..... ég nenni heldur ekki að skreyta hérna heima hjá mér, að öðru leyti en henda upp aðventuljósinu í gluggann og aðventukransinn á stofuborðið þar sem ég nýt jólaskrautsins afskaplega lítið þegar ég er hvort eð er á Íslandi yfir hátíðarnar :)

Kuldinn er aðeins farinn að láta finna fyrir sér núna. Var 12 stiga frost í fyrradag og einhverjar -7 gráður í dag... sem betur fer er svotil alltaf logn hérna svo maður frýs ekki alveg við það eitt að opna útidyrnar. Það er svona um það bil 20 sm snjólag yfir öllu svo þetta er allt orðið svaka kósý, nú vantar bara jólaljósin og jólalögin eins og íslendingarnir gera þetta :)

Annars er allt við það sama hér, engar sérstakar krassandi slúðurfréttir heldur gengur lífið sinn vanagang....

Jæja, best að halda áfram að lesa... þetta er að verða búið :)

Bestu kveðjur
Hanna Steinunn

N�jar fr�ttir

Thu, 27 Nov 2008 09:21:22 +0000

Hæ hæ :)

Vá hvað maður er öflugur bloggari... eða þannig

Byrja á nýjustu fréttunum, til hamingju með guttann Svanhildur og Gummi !!! jebb, the dude is in the house, ég hlakka svakalega til að sjá hann !!

Svo langar mig að benda á smá breyting hér á síðunni... nú er komið lítið myndaalbúm undir "myndir" hérna efst til vinstri kannski verð ég eitthvað duglegri að setja inn myndir núna hehehe :)

En allavega, fréttir af okkur. Jú, eins og glöggir lesendur síðunnar ættu að vera komnir með erum við hjónin flutt til Drammen. Það fer afskaplega vel um okkur hérna!! Síðan við fluttum hafa bílarnir okkar nánast staðið kyrrir í innkeyrslunni (allavega förum við nánast aldrei á bensínstöð lengur). Eyjólfur hjólar í vinnuna á hverjum degi (veit samt ekki hvort hann geri það svona yfir háveturinn vegna færðar) og núna tekur ekki nema 50 minútur fyrir mig að fara í skólann (aðra leiðina... fer reyndar eftir umferð) og aðeins 30-40 min inn til Oslóar, algjör draumur!!

Við fórum úr 50 fermetra íbúð í 80 fermetra og vorum fyrst um sinn bara með áhyggjur af því að við fengjum víðáttubrjálæði og bergmálið myndi fara með okkur, en við vorum fljót að fylla upp í rýmið! Fengum eitt og annað lánað, og svo síðast í gærkvöldi bættist við þetta forláta, fagurklósettgræna Gustavian borðstofuborð ásamt sex jafn fagur klósettgrænum stólum (ég setti mynd af því í myndaalbúmið).... við hjónin erum búin að klóra okkur í kollinum yfir þessu borðstofuborði, erum ekki alveg viss um hvað við eigum að halda... við erum alveg búin að sjá að þessi fagurgræni litur er ekki alveg það sem við sáum fyrir okkur í borðstofukrókinn og Gustavian er kannski ekki alveg okkar stíll, svo pælingin er... eigum við að mála það hvítt... eða saga það niður og henda því í kamínuna :)

Þar að auki áskotanðist okkur þetta fína eldhúsborð, en Eyjó ætlar að sjá hvort hann geti ekki lappað eitthvað aðeins upp á það, þá lítur það kannski svona ágætlega út

Svo er jólahlaðborðið núna á laugardaginn... verður eflaust rokna stuð, mikið fyllerí og mikið gaman!! Þó svo ég sé nú byrjuð í próflestri og verði að halda aftur af mér, að minnsta kosti að einhverju leyti

Já, vá... það er það próflestur í gangi (og að sjálfsögðu bloggar maður þá)... er byrjuð að rembast við að massa námsefnið en VÁ HVAÐ ÞETTA ER MIKIÐ..... en maður gerir að sjálfsögðu bara sitt besta!!!

Jæja, best að halda áfram að lesa,
bið að heilsa öllum nær og fjær

Bestu kveðjur,
Hanna Steinunn

h�

Thu, 13 Nov 2008 14:20:37 +0000

Jebb, nú er komið að því... við ætlum að flytja á morgun frá Hokksund til Drammen þar sem við fáum ekki internetið fyrr en 20 nóvember veit ég ekki hversu mikið við verðum "on-line" fram að því... ég mun þó líkast til skella mér á bókasafnið í Drammen og fylgjast með póstinum mínum

Annars er voða lítið að frétta.. ég er bara að lesa eins og vitleysingur, undirbúa seinsta hlutann á síðasta fagi annarrinnar en eftir það er ég komin í upplestrarfrí (hverjum datt í hug að kalla þetta frí????)..

Annars er jólahlaðborð í vinnunni hjá Eyjólfi 29 nóvember svo það verður líkast til voða gaman !!

að lokum... sá þessa grein og fannst hún alveg helv... góð http://www.resourceinvestor.com/pebble.asp?relid=47902

Bestu kveðjur
Hanna Steinunn